துர்காவ் நதியில் ‘செத்து மிதந்த’ மீன்கள் : அதிகாரிகள் அதிர்ச்சி

துர்காவ் நதியில் ‘செத்து மிதந்த’ மீன்கள் : அதிகாரிகள் அதிர்ச்சி

கடந்த வியாழக்கிழமை (28 ஆகஸ்ட் 2025) பிற்பகலில், துர்காவ் கன்டோன் வீலர்பாக் (Wiilerbach) ஆற்றில் நூற்றுக்கணக்கான மீன்கள் திடீரென இறந்த சம்பவம் பரபரப்பை ஏற்படுத்தியுள்ளது.

மாலை 3.20 மணியளவில், கன்டோன் அவசர அழைப்பு மையத்திற்கு “ஆற்றில் பெருமளவு மீன்கள் இறந்துள்ளன” என்ற தகவல் கிடைத்தது. உடனடியாக துர்காவ் கன்டோன் போலீசார், சுற்றுச்சூழல் அலுவலக நிபுணர்கள் மற்றும் வேட்டையாடல் மற்றும் மீன்வளத் துறை அதிகாரிகள் சம்பவ இடத்திற்கு விரைந்தனர்.

அங்கு, போடன்சீ (Bodensee) ஏரிக்குச் சேரும் இடத்தில் நூற்றுக்கணக்கான இறந்த கரவுசன் (Karauschen) மீன்கள் தண்ணீரில் மிதந்துகொண்டிருந்தது கண்டறியப்பட்டது. இச்சம்பவத்தால் ஏற்பட்ட சேதம் சில ஆயிரம் ஃபிராங்காக மதிப்பிடப்படுகிறது.

சம்பவத்திற்கான காரணம் இதுவரை தெளிவாக தெரியவில்லை. விசாரணை நடைபெற்று வருவதாக அதிகாரிகள் தெரிவித்தனர். தற்போது நீர்மாசு காரணமா அல்லது இயற்கைச் சம்பவமா என்ற கேள்விகள் எதுவும் உறுதிப்படுத்தப்படவில்லை.

சுற்றுச்சூழல் நிபுணர்கள் தொடர்ந்து பரிசோதனைகளை மேற்கொண்டு வருகின்றனர்.

@Kantonspolizei Thurgau