பிரெஞ்சு மொழி கற்பிக்கப்படாத சுவிட்சர்லாந்து பள்ளிகள் தொடர்பில் விமர்சனம்.!!
பிரெஞ்சு மொழி கற்பிக்கப்படாத சுவிட்சர்லாந்து பள்ளிகள் தொடர்பில் விமர்சனம்.!!
சுவிட்சர்லாந்தின் 19 ஜெர்மன் மொழி பேசும் கன்டோன்களில், தற்போது 12 கன்டோன்களில் மட்டுமே ஆரம்பப் பள்ளிகளில் பிரெஞ்சு இரண்டாவது மொழியாக கற்பிக்கப்படுகிறது. மேலும் சில கன்டோன்கள், பிரெஞ்சுக்கு பதிலாக ஆங்கிலத்தை தேர்ந்தெடுக்கும் எண்ணத்தில் உள்ளன.
ஒரு தேசிய மொழிக்கு பதிலாக வெளிநாட்டு மொழிக்கு முக்கியத்துவம் அளிக்கப்படுவது, சில அதிகாரிகளிடையே விமர்சனங்களை தூண்டியுள்ளது.
“இந்த நிலைமை, உலகமயமாக்கலின் விளைவுகளில் ஒன்றாகும், இது அடையாள இழப்புக்கு வழிவகுக்கிறது,” என கன்டோனல் பொது கல்வி இயக்குநர்கள் மாநாட்டின் தலைவர் கிறிஸ்டோஃப் டார்பெல்லே, ஞாயிற்றுக்கிழமை ஒரு பேட்டியில் தெரிவித்தார்.
வோட் கன்டோனின் கல்வி மற்றும் தொழிற்பயிற்சித் துறையின் தலைவர் ஃப்ரெட்ரிக் போர்லோஸ் கூறுகையில், “சுவிட்சர்லாந்தில் தேசிய ஒற்றுமையின் பெயரால் மற்றொரு தேசிய மொழியைக் கற்பது அவசியமாகும்.”
“இது கடினமானது என்று நாம் பின்வாங்கக் கூடாது. பிரெஞ்சு பேசும் சுவிட்சர்லாந்தில் ஜெர்மன் மொழியையும், ஜெர்மன் பேசும் சுவிட்சர்லாந்தில் பிரெஞ்சு மொழியையும் மேம்படுத்துவதற்கு தீர்வுகளைக் கண்டறிய வேண்டிய பொறுப்பு நமது கன்டோன்களுக்கு உள்ளது,” என்று அவர் மேலும் கூறினார்.
