சூரிச்சில் டாக்ஸி கட்டணங்கள் அதிகரிப்பு குறித்து பயணிகள் புகார்
தலைப்பு: சூரிச்சில் டாக்ஸி கட்டணங்கள் அதிகரிப்பு குறித்து பயணிகள் புகார்
சுவிட்சர்லாந்தின் சூரிச் (Zürich) நகரில் டாக்ஸி சேவைகளின் கட்டணங்கள் அதிகரித்துள்ளதாக பயணிகள் மத்தியில் குற்றச்சாட்டுகள் எழுந்துள்ளன. குறிப்பாக குறுகிய தூர பயணங்களுக்கே அதிக கட்டணம் வசூலிக்கப்படுவதாக பலர் புகார் தெரிவித்துள்ளனர்.
சில ஆண்டுகளுக்கு முன்பு டாக்ஸி துறையில் நடைமுறையில் இருந்த கட்டண வரம்புகள் (price caps) நீக்கப்பட்டு, சந்தை சுதந்திரப்படுத்தப்பட்ட பின்னர் இந்த நிலை அதிகமாக காணப்படுவதாக கூறப்படுகிறது. அந்த மாற்றத்தின் பின்னர், டாக்ஸி ஓட்டுநர்கள் தாங்களே கட்டணத்தை நிர்ணயிக்கும் வாய்ப்பு கிடைத்ததால், சிலர் மிக அதிக விலைகளை நிர்ணயித்து வருவதாக பயணிகள் குற்றம் சாட்டுகின்றனர்.
இந்த சூழ்நிலையை தொடர்ந்து, டாக்ஸி சேவைகளை பிரதிநிதித்துவப்படுத்தும் சங்கம் சூரிச் கன்டோன் அரசாங்கத்திடம் தலையீடு செய்யுமாறு கோரியுள்ளது. குறிப்பாக டாக்ஸி கட்டணங்களுக்கு மீண்டும் ஒரு அதிகபட்ச வரம்பை (maximum fare) நிர்ணயிக்க வேண்டும் என்றும், அந்த வரம்பை மீறி கட்டணம் வசூலிக்க முடியாத வகையில் விதிமுறைகள் கொண்டு வர வேண்டும் என்றும் அவர்கள் கேட்டுக்கொண்டுள்ளனர்.
ஆனால் இதுவரை இந்த விவகாரம் குறித்து கன்டோன் அதிகாரிகள் எந்தத் தீர்மானத்தையும் எடுக்கவில்லை என்று தெரிவிக்கப்பட்டுள்ளது.
சுவிட்சர்லாந்தில் போக்குவரத்து சேவைகள் பொதுவாகக் கட்டுப்பாடுகளுடன் செயல்பட்டாலும், கடந்த சில ஆண்டுகளில் டாக்ஸி துறையில் மேற்கொள்ளப்பட்ட சுதந்திரப்படுத்தல் நடவடிக்கைகள் விலைகள் மற்றும் சேவை தரம் குறித்து புதிய விவாதங்களை ஏற்படுத்தியுள்ளது. SDA
