பேசல் யூரோ எயர்போர்ட் இருந்து பிரான்ஸ் லில்லுக்கு ஈஸிஜெட் புதிய விமான சேவை
பேசல் யூரோஎயர்போர்ட் இருந்து பிரான்ஸ் லில்லுக்கு ஈஸிஜெட் புதிய விமான சேவை
ஈஸிஜெட் விமான நிறுவனம் 2026 கோடைக்கால அட்டவணையில் பேசல் யூரோஎயர்போர்ட் மூலம் புதிய பிரான்ஸ் பயணத்திற்கான சேவையை அறிவித்துள்ளது. பிரான்சில் பயணிகள் போக்குவரத்தைக் கூட்டுவதை முன்னுரிமையாகக் கொண்டுள்ள இந்த நிறுவனம், 2026 ஜூன் 22 முதல் பேசல்–லில்லே ( Lille) இடையேயான சேவையை தொடங்குகிறது.
இந்த புதிய பாதை வாரத்தில் இரண்டு முறை, திங்கட்கிழமையும் வெள்ளிக்கிழமையும் இயக்கப்படும். லில்லே வட பிரான்சில் அமைந்துள்ள முக்கிய நகரமாகும்; தொழில், கலாச்சாரம் மற்றும் பல்கலைக்கழகங்கள் காரணமாக இது பயணிகளிடம் பிரபலமான இடமாக உள்ளது.
2026 கோடைக்காலத்தில் பேசல் யூரோஎயர்போர்ட்டில் இருந்து ஈஸிஜெட் மொத்தம் 11 பிரான்ஸ் நகரங்களுக்கு சேவையை வழங்க உள்ளது. இதில் லில்லே, பாரிஸ், நைஸ், மொன்ட்பெலியர், மார்செய், நான்த், போர்டோ, டூலூஸ், அஜாச்சியோ, பாஸ்தியா மற்றும் பியாரிட்ஸ் ஆகியவை அடங்கும்.
சுவிட்சர்லாந்தில் இருந்து பிரான்சுக்கு பயணச் சேவைகள் தொடர்ச்சியாக உயர்ந்து வரும் நிலையில், இந்த புதிய பாதை கோடைக்கால சுற்றுலா மற்றும் வணிகப் பயணிகளை மேலும் ஈர்க்கும் என்று எதிர்பார்க்கப்படுகிறது. ஈஸிஜெட்டின் இந்த விரிவாக்கம், பேசல் விமான நிலையத்தை பிரான்ஸ் நோக்கி பயணிக்கும் முக்கிய மையமாக மாற்றும் என நிபுணர்கள் குறிப்பிடுகின்றனர்.
