லாகன் அருகே ஏரியில் படகில் தீ விபத்து, நாய் உயிரிழப்பு

லாகன் அருகே ஏரியில் படகில் தீ விபத்து, நாய் உயிரிழப்பு

சுவிட்சர்லாந்தின் Obersee பகுதியில் உள்ள Lachen அருகே ஞாயிற்றுக்கிழமை பிற்பகல் இடம்பெற்ற படகு தீ விபத்து பரபரப்பை ஏற்படுத்தியுள்ளது. இந்த சம்பவத்தில் படகில் இருந்த ஐந்து பேர் உயிர் தப்பியுள்ள நிலையில், அவர்களுடன் இருந்த நாயை காப்பாற்ற முடியாமல் உயிரிழந்தது வருத்தத்தை ஏற்படுத்தியுள்ளது.

மே 3, 2026 அன்று பிற்பகல் 2.30 மணிக்குப் பின்னர் இந்த தீ விபத்து ஏற்பட்டதாக தகவல்கள் தெரிவிக்கின்றன. முதலில் படகின் இயந்திரப்பகுதியில் இருந்து புகை வெளியேறத் தொடங்கியது. சில நிமிடங்களுக்குள் அது தீவிரமான தீயாக மாறியதால், படகில் இருந்த இரண்டு ஆண்கள், ஒரு பெண் மற்றும் 13 மற்றும் 6 வயதுடைய இரண்டு குழந்தைகள் உடனடியாக தங்களை காப்பாற்ற நீரில் குதித்துள்ளனர்.

அங்கு இருந்த தனியார் படகு ஓட்டுநர்கள் உடனடியாக உதவிக்கு விரைந்து, அவர்களை நீரிலிருந்து மீட்டு பாதுகாப்பாக கரைக்கு கொண்டு சென்றனர். பின்னர் Seerettungsdienst Pfäffikon குழுவினர் அவர்களை கரைக்கு கொண்டு வந்து ஒப்படைத்தனர்.

இந்த சம்பவத்தில் இரு பேருக்கு புகை வாயுக்களை சுவாசித்திருக்கலாம் என்ற சந்தேகத்தின் அடிப்படையில் மருத்துவ பரிசோதனை செய்யப்பட்டது. இருப்பினும் யாரும் மருத்துவமனையில் அனுமதிக்கப்பட வேண்டிய நிலை ஏற்படவில்லை.

இந்த தீ விபத்திற்கான சரியான காரணம் குறித்து Kantonspolizei Schwyz உடைய குற்றவியல் தொழில்நுட்ப பிரிவு விசாரணைகளை மேற்கொண்டு வருகிறது. இந்த சம்பவம் ஏரி பாதுகாப்பு மற்றும் படகு பராமரிப்பு குறித்து மீண்டும் கவனம் ஈர்த்துள்ளது.