சுவிட்சர்லாந்தில் புதிய மோசடி: சூப்பர்மார்க்கெட் பாயின்ட்ஸ் பெயரில் மக்களை ஏமாற்றும் சதி சுவிட்சர்லாந்தில் இணைய வழி மோசடிகள் தொடர்ந்து அதிகரித்து வரும் நிலையில், தற்போது சூப்பர்மார்க்கெட் லாயல்டி பாயின்ட்ஸ் (loyalty points) தொடர்பாக புதிய மோசடி ஒன்று வெளிச்சத்துக்கு வந்துள்ளது. குறிப்பாக Coop நிறுவனத்தின் Supercard மற்றும் Migros நிறுவனத்தின் Cumulus பாயின்ட்ஸை குறிவைத்து இந்த மோசடி நடைபெறுவதாக அதிகாரிகள் எச்சரித்துள்ளனர். Federal Office for Cybersecurity (BACS) தெரிவித்ததன்படி, பலர் தங்களுக்கு வந்ததாக கூறப்படும் மின்னஞ்சல் அல்லது குறுஞ்செய்திகளில் “உங்கள் பாயின்ட்ஸ் விரைவில் காலாவதியாகும்” என எச்சரிக்கை வழங்கப்பட்டுள்ளதாக கூறப்படுகிறது. அந்த செய்திகளில், சைக்கிள், வீட்டு உபயோக பொருட்கள் போன்ற பரிசுகளை உடனடியாக பெற இந்த பாயின்ட்ஸை பயன்படுத்துமாறு தூண்டப்படுகிறது. இந்த செய்திகள் மிகவும் நம்பகமாக தோன்றும் வகையில் வடிவமைக்கப்பட்டுள்ளன. ஆனால் செய்தியின் இறுதியில் பயனாளர்களிடம் கிரெடிட் கார்டு விவரங்களை வழங்குமாறு கேட்கப்படுவது முக்கிய எச்சரிக்கை அறிகுறியாகும். இந்த மோசடி குறித்து Federal Office for Cybersecurity பொதுமக்களுக்கு எச்சரிக்கை விடுத்துள்ளது. இதுபோன்ற தகவல்களை நம்பாமல் இருக்கவும், எந்தவொரு தனிப்பட்ட வங்கி அல்லது கார்டு தகவல்களையும் பகிர வேண்டாம் என்றும் அறிவுறுத்தப்பட்டுள்ளது. மேலும், Coop மற்றும் Migros நிறுவனங்களும் தங்களது லாயல்டி பாயின்ட்ஸ் எந்த நேரத்திலும் காலாவதியாகாது என தெளிவுபடுத்தியுள்ளன. சுவிட்சர்லாந்தில் அண்மைக் காலமாக இணைய வழி மோசடிகள் அதிகரித்து வருகின்றன. பல்வேறு முறைகளை பயன்படுத்தி மக்கள் நம்பிக்கையைப் பெற்றுக் கொண்டு பணத்தை பறிக்கும் இந்த குற்றச் செயல்கள், பொதுமக்கள் விழிப்புணர்வு குறைவாக இருக்கும் போது அதிகம் வெற்றி பெறுகின்றன. எனவே, சந்தேகமான செய்திகளை எப்போதும் கவனமாக அணுகுவது மிக முக்கியம் என நிபுணர்கள் எச்சரிக்கின்றனர். © KeystoneSDA
