அமெரிக்காவுடன் புதிய வர்த்தக ஒப்பந்தம் : சுவிஸ் பொருளாதார முன்னோக்கு மேலும் பிரகாசம்
அமெரிக்காவுடன் புதிய வர்த்தக ஒப்பந்தம்: சுவிஸ் பொருளாதார முன்னோக்கு மேலும் பிரகாசம்
சுவிட்சர்லாந்து மற்றும் அமெரிக்கா இடையிலான புதிய வர்த்தக ஒப்பந்தம், குறிப்பாக சுங்க வரிகள் 39 சதவீதத்திலிருந்து 15 சதவீதமாகக் குறைக்கப்பட்டதைத் தொடர்ந்து, சுவிஸ் பொருளாதார சூழல் தெளிவாகச் சீராகி வருகிறது. வணிகத் துறையின் நம்பிக்கை உயர்ந்துள்ளதாக பொருளாதார நிபுணர்கள் மதிப்பிடுகின்றனர்.
UBS மற்றும் CFA Institute நடத்தி வந்த சமீபத்திய ஆய்வில், நிபுணர்கள் அடுத்த ஆறு மாதங்களில் சுவிஸ் ஏற்றுமதி கணிசமாக உயரும் என எதிர்பார்க்கின்றனர். குறைந்த சுங்கச்செலவு காரணமாக, அமெரிக்க சந்தையில் சுவிஸ் தயாரிப்புகளுக்கு போட்டி திறன் அதிகரிக்கும் என்று கூறப்படுகிறது. இது முக்கியமாக இயந்திரங்கள், மருந்துத் தயாரிப்புகள், நுண்ணறிவு தொழில்நுட்ப உபகரணங்கள் போன்ற துறைகளில் நேரடி தாக்கத்தை ஏற்படுத்தும்.
ஆய்வில் பங்கேற்ற பொருளாதார நிபுணர்களில் சுமார் 40 சதவீதம் பேர், சுவிஸ் பொருளாதாரம் அடுத்த ஆறு மாதங்களில் மீளுருச்சியடையும் என கணித்துள்ளனர். இது அக்டோபர் மாதத்தை ஒப்பிடும்போது 25 சதவீத உயர்வு. உலகளாவிய பொருளாதார மந்தநிலை மற்றும் வலுவான ஃப்ராங்க் ஆகியவற்றால் பாதிக்கப்பட்ட ஏற்றுமதி துறைக்கு இந்த ஒப்பந்தம் ஒரு முக்கிய உந்துதலாக பார்க்கப்படுகிறது.
பொருளாதார வட்டாரங்கள், இந்த ஒப்பந்தம் சுவிட்சர்லாந்தின் வர்த்தக சமநிலையை மேம்படுத்துவதோடு, உள்நாட்டு சந்தையிலும் நம்பிக்கையை அதிகரிக்கும் என நம்புகின்றன. வரவிருக்கும் மாதங்களில் உற்பத்தி துறை மற்றும் ஏற்றுமதி சார்ந்த நிறுவனங்களில் மேம்பட்ட வளர்ச்சி காணப்படும் என எதிர்பார்க்கப்படுகிறது.
© KeystoneSDA
