ஆர்காவ் நதியில் தீடீர் வெள்ளப்பெருக்கு : அதிகாரிகள் தீவிரம்

ஆர்காவ் நதியில் தீடீர் வெள்ளப்பெருக்கு : அதிகாரிகள் தீவிரம்

சுவிட்சர்லாந்தின் டிசினோ மாநிலம் மட்டுமல்லாமல், தற்போது ஆர்கோ மாநிலத்திலும் கடும் மழை எச்சரிக்கை நிலவி வருகிறது. செவ்வாய்க்கிழமை மாலை சுமார் 06.00 மணியளவில், உர்நாஷ் பிராந்தியத்தில் திடீர் வெள்ளம் ஏற்பட்டதால் அங்குள்ள தீயணைப்பு படையினர் அவசரமாக செயல்பட வேண்டிய நிலை உருவானது.

கடும் மழை – ஆற்றின் நீர்மட்டம் வேகமாக உயர்வு

மாலை 05.00 மணி முதல் 06.00 மணி வரை, ஒரு கடும் இடியுடன் கூடிய மழை மண்டலம் (thunderstorm cell) அந்தப் பகுதியில் நீண்ட நேரம் சுழன்றது. குறுகிய நேரத்தில் பெய்த கனமழை, 23.5 கிலோமீட்டர் நீளமுள்ள உர்நாஷ் ஆற்றை (சிட்டர் ஆற்றின் துணைநதி) பெருக்கெடுக்கும் நிலைக்கு கொண்டுவந்தது. மிகக் குறுகிய நேரத்தில் நீர்மட்டம் வேகமாக உயர்ந்து, அப்பகுதி முழுவதும் வெள்ள அபாயம் உருவாகியது.

தீயணைப்பு படையினரின் உடனடி நடவடிக்கை

எச்சரிக்கை அழைப்பைப் பெற்றவுடன், உர்நாஷ் தீயணைப்பு படையினர் பல அபாயகரமான பகுதிகளை கண்காணித்து, முதற்கட்ட பாதுகாப்பு நடவடிக்கைகளை தொடங்கினர். முக்கியமாக, ஆற்றின் ஓரங்களில் உள்ள குடியிருப்புகள் மற்றும் போக்குவரத்து பகுதிகளில் பாதுகாப்பு நடவடிக்கைகள் மேற்கொள்ளப்பட்டன.

பரவலான எச்சரிக்கை நிலை

இந்த மழைச்சாரல் தற்காலிகமானதுதான் என்றாலும், குறுகிய நேரத்தில் பெய்யும் கனமழை ஆற்றுப் பெருக்கை ஏற்படுத்துவதால் உயர் எச்சரிக்கை நிலை தொடரும் என வானிலை நிபுணர்கள் எச்சரித்துள்ளனர்.

@BRK News