மதுபோதையில் வாகனம் ஓட்டிய 24 பேர் ஆர்காவில் பிடிபட்டனர்
சூரிச் ஸ்ட்ரீட் பாரேட் – மதுபோதையில் வாகனம் ஓட்டிய 24 பேர் ஆர்காவில் பிடிபட்டனர்
சூரிச்சில் வார இறுதியில் நடைபெற்ற ஸ்ட்ரீட் பாரேட் பெருவிழாவின் போது, ஆர்காவ் கான்டோன் காவல்துறை 24 வாகன ஓட்டிகளை சோதனைக்கு உட்படுத்தினர்.
காவல்துறை தகவலின்படி, சூரிச் ஸ்ட்ரீட் பாரேட் விழா முடிந்து வீடு திரும்பும் பாதையில் வாகனங்கள் குறிவைத்து பரிசோதிக்கப்பட்டன. இதில், 17 பேர் போதைப்பொருள் பயன்படுத்தியிருக்கலாம் என்ற சந்தேகம் உறுதியானது. மேலும், 7 பேர் மதுபோதையில் வாகனம் ஓட்டியதும் கண்டறியப்பட்டது.
முழு வார இறுதியில் மொத்தம் 280 வாகனங்கள் பரிசோதிக்கப்பட்டன.
இந்த ஆண்டு ஸ்ட்ரீட் பாரேட், சூரிச் ஏரிக்கரையில் சனிக்கிழமை சுமார் 8 லட்சம் மக்களை ஈர்த்தது. விழா நடைபெறும் போது, சூரிச் நகர காவல்துறை 48 பேரை கைது செய்து, பல நூறு எக்ஸ்டசி மாத்திரைகளை பறிமுதல் செய்தது. அதேபோல், சூரிச் கான்டோன் காவல்துறை, வார இறுதி விழா நாட்களில் சூரிச் மைய ரயில் நிலையத்தில் 29 பேரை கைது செய்ததாக தெரிவித்துள்ளது.
