கிராவுண்டனில் மோட்டார் சைக்கிள் மோதியதில் ஒருவர் பலி

கிராவுண்டனில் மோட்டார் சைக்கிள் மோதியதில் ஒருவர் பலி..!!!  வெள்ளிக்கிழமை பிற்பகல் Schluein கிராவுண்டனில் இல் Oberalpstrasse இல் பல வாகனங்கள் மோதியதில் மோட்டார் சைக்கிள் ஓட்டுநர் ஒருவர் உயிரிழந்தார். மேலும் இருவர் காயமடைந்தனர்.

ஆரம்ப கண்டுபிடிப்புகளின்படி, ஆஸ்திரியாவில் வசிக்கும் லிச்சென்ஸ்டைன் மாகாணத்தைச் சேர்ந்த 49 வயதான மோட்டார் சைக்கிள் ஓட்டுநர், தனது 53 வயது மனைவியுடன்  சென்றுகொண்டிருக்கும் பொழுதே குறித்த விபத்து இடம்பெற்றுள்ளதாக Graubünden கன்டோனல் போலீஸ் அறிவித்தது.

அதே நேரத்தில், கிராபண்டன் மாகாணத்தில் வசிக்கும் 31 வயதான ஜெர்மன் டிரைவர் ஒருவரின் வாகனமே இவர்களின் மோட்டார் சைக்கிளுடன் மோதுண்டு விபத்து ஏற்பட்டுள்ளது.  இதன் காரணமாக சந்தியில் நிறுத்தி வைக்கப்பட்டிருந்த கார் ஒன்றும் இன்னொமொரு மோட்டார் சைக்கிளும் மோதி பாதிப்புக்கு உள்ளாகியுள்ளது.

விபத்தில் பலத்த காயங்களுக்கு உள்ளான மோட்டார் சைக்கிளில் பயணித்தவர் சம்பவ இடத்திலேயே உயிரிழந்துள்ளதாக செய்திக் குறிப்பில் தெரிவிக்கப்பட்டுள்ளது. பெண் சாரதி மிதமான காயங்களுடன் கூரில் (CHUR) உள்ள கிராவுண்டன் கன்டோனல் மருத்துவமனைக்கு ரேகா ஹேலிகொப்டர் மூலம் கொண்டு செல்லப்பட்டார்.

அடுத்தடுத்து மோதியதில் பயணிகள் காரில் இருந்த மூவருக்கும் காயம் ஏதும் ஏற்படவில்லை என்று தெரிவிக்கப்பட்டுள்ளது. மீட்பு மற்றும் மீட்புப் பணிகள் காரணமாக விபத்து நடந்த பகுதியில் Oberalpstrasse ஒரு மணிநேரம் முழுமையாக மூடப்பட்டது, இதன் விளைவாக போக்குவரத்து நெரிசல் ஏற்பட்டதாகவும் தெரிவிக்கப்படுகிறது.

Graubunden அரசு வழக்கறிஞர் அலுவலகத்துடன் சேர்ந்து, Graubunden கன்டோனல் போலீசார் விபத்து தொடர்பாக மேலதிக விசாரணைகளை மேற்கொண்டுவருகின்றனர்.

©கீஸ்டோன்/SDA