பல்கேரியா, ருமேனியாவுடனான வான் எல்லைக் கட்டுப்பாடுகளை நீக்கும் சுவிட்சர்லாந்து

பல்கேரியா மற்றும் ருமேனியாவுடனான வான் எல்லைக் கட்டுப்பாடுகளை நீக்க சுவிட்சர்லாந்து முன்வந்துள்ளது.

டிசம்பர் 30, 2023 அன்று பல்கேரியா மற்றும் ருமேனியாவிற்கு பயணிக்கும் மற்றும் அங்கிருந்து பயணிக்கும் மக்களுக்கு விமான நிலையங்களில் சோதனைகளை ரத்து செய்ய ஐரோப்பிய ஒன்றியத்தின் முடிவிற்கு இணங்க, சுவிட்சர்லாந்தும் அதே நடவடிக்கைகளை மேற்கொள்ளும் என்று பெடரல் கவுன்சில் புதன்கிழமை அறிவித்தது.

புதிய விதி மார்ச் 31 முதல் செயல்படுத்தப்படும் என தெரிவிக்கப்பட்டுள்ளது. பல்கேரியாவும் ருமேனியாவும் பகுதியளவில் ‘எல்லை இல்லாத’ ஷெங்கன் பகுதியில் சேரும் நாடுகளாகும். இருப்பினும் நில எல்லை கட்டுப்பாடுகள் தற்போதைக்கு நீடித்திருக்கும் என குறிப்பிடப்படுகிறது.