Schaffhausen மாட்டுத்தொழுவத்தில் தீ : இரண்டு பசுக்கள் பலி

Schaffhausen மாட்டுத்தொழுவத்தில் தீ : இரண்டு பசுக்கள் பலி செவ்வாய்கிழமை மாலை Schaffhausen டிரசாடிங்கன் நகராட்சியில் உள்ள பண்ணையில் உள்ள தொழுவத்தில் தீ விபத்து ஏற்பட்டது.

தொழுவம் முற்றிலும் எரிந்து நாசமானது. தீயினால் யாருக்கும் காயம் ஏற்படவில்லை என Schaffhausen பொலிசார் தெரிவித்துள்ளனர். செவ்வாய்க்கிழமை இரவு 7:45 மணியளவில் குறித்த சம்பவம் நிகழ்ந்துள்ளது.

அவசரகால சேவைகள், அப்பகுதியைச் சேர்ந்த விவசாயிகளுடன் இணைந்து 49 பசுக்களையும் 72 கன்றுகளையும் காப்பாற்ற முடிந்தது. இரண்டு கறவை மாடுகள் தீயில் கருகி பலியாகியுள்ளன.

அவசர சேவைகள் வந்து பார்த்தபோது, ​​தொழுவம் முழுமையாக எரிந்து கொண்டிருந்தது. தீயணைப்பு துறையினர் அதை அணைத்து, அருகில் இருந்த கட்டிடங்களை தீயில் இருந்து பாதுகாத்தனர். தீ விபத்திற்கான காரணம் மற்றும் சொத்து சேதத்தின் அளவு கண்டறியப்பட்டு வருவதாக போலீசார் தெரிவித்தனர்.

(sda/joe)