கொக்கைன் முதல் எக்ஸ்டஸி வரை! வீட்டுக்குள் சிக்கிய பல கிலோ போதைப்பொருட்கள்

கொக்கைன் முதல் எக்ஸ்டஸி வரை! வீட்டுக்குள் சிக்கிய பல கிலோ போதைப்பொருட்கள்…

க்ராபுண்டன் மாநிலத்தில் நடைபெற்ற போலீஸ் சோதனையில், பல கிலோகிராம் போதைப்பொருட்களும், இரண்டு கைத்துப்பாக்கிகளும் சிக்கியுள்ள சம்பவம் பரபரப்பை ஏற்படுத்தியுள்ளது.

ட்ரிம்மிஸ் பகுதியில் வழக்கமான அடையாளச் சரிபார்ப்பின்போது, 31 வயதான சுவிஸ் நாட்டவர் ஒருவர் சுமார் 50 கிராம் கொக்கைனை அப்புறப்படுத்த முயன்றதாக போலீசார் தெரிவித்துள்ளனர்.

இதையடுத்து, அவரது வீட்டில் போலீசார் சோதனை நடத்தியுள்ளனர்.

அப்போது, கொக்கைன், கஞ்சா, கெட்டமைன் மற்றும் எக்ஸ்டஸி உள்ளிட்ட பல்வேறு போதைப்பொருட்கள், பல கிலோகிராம் அளவில் கண்டுபிடிக்கப்பட்டதாக அதிகாரிகள் தெரிவித்துள்ளனர்.

இதுமட்டுமல்லாமல், வீட்டில் 30 ஆயிரத்துக்கும் மேற்பட்ட சுவிஸ் பிராங்குகள் மற்றும் 1,500 யூரோக்கள் பணமும் கைப்பற்றப்பட்டுள்ளது.

மேலும், பதிவு செய்யப்படாத இரண்டு கைத்துப்பாக்கிகள் மற்றும் தோட்டாக்களும் போலீசாரால் பறிமுதல் செய்யப்பட்டுள்ளன.

இந்த சம்பவத்தைத் தொடர்ந்து, 31 வயதான அந்த நபர் காவலில் வைக்கப்பட்டுள்ளார்.

போதைப்பொருள் மற்றும் ஆயுதச் சட்ட மீறல்கள் தொடர்பாக, க்ராபுண்டன் மாகாண காவல்துறையினர், அரசு வழக்கறிஞர் அலுவலகத்துடன் இணைந்து விசாரணை நடத்தி வருகின்றனர்.

இந்த வழக்கில் மேலும் என்ன தகவல்கள் வெளியாகப் போகின்றன என்பது தற்போது கவனத்தை ஈர்த்துள்ளது.