சுவிட்சர்லாந்தில் காற்றின் தரம் பாதிக்குமா? பிரான்ஸ் காட்டுத்தீ குறித்து மெட்டியோசுவிஸ் எச்சரிக்கை!

சுவிட்சர்லாந்தில் காற்றின் தரம் பாதிக்குமா? பிரான்ஸ் காட்டுத்தீ குறித்து மெட்டியோசுவிஸ் எச்சரிக்கை!

தென்மேற்கு பிரான்ஸில் தொடர்ந்து பரவி வரும் காட்டுத்தீயின் தாக்கம் தற்போது சுவிட்சர்லாந்திலும் உணரப்படுகிறது.

பிரான்ஸ் பகுதிகளில் ஏற்பட்டுள்ள மிகப்பெரிய காட்டுத்தீயில் இருந்து வெளியேறும் புகை, சுவிஸ் வான்பரப்பை நோக்கி நகர்ந்துள்ளதாக மத்திய வானிலை சேவையான மெட்டியோசுவிஸ் தெரிவித்துள்ளது.

இதனால் சில பகுதிகளில் வானம் வழக்கத்தை விட சற்று புகைமூட்டமாக காணப்படுவதுடன், சில இடங்களில் புகையின் வாசனையையும் மக்கள் உணர முடிகிறது.

எனினும், தற்போது பரவியுள்ள புகையின் அடர்த்தி சுகாதாரத்திற்கு ஆபத்தை ஏற்படுத்தும் அளவில் இல்லை என்று அதிகாரிகள் தெரிவித்துள்ளனர்.

வரும் நாட்களிலும் தென்மேற்கு திசைக் காற்று காரணமாக இந்த புகை சுவிட்சர்லாந்தின் பல பகுதிகளுக்கு பரவ வாய்ப்பு உள்ளதாக மெட்டியோசுவிஸ் கணித்துள்ளது.

ஆனால் இந்த புகைமூட்டம் வெப்பநிலையை மாற்றும் அளவிற்கு அதிகமாக இருக்காது என்றும் தெரிவிக்கப்பட்டுள்ளது.

மக்கள் அச்சப்பட தேவையில்லை என்றாலும், வானிலை மாற்றங்களை தொடர்ந்து கவனிக்குமாறு அதிகாரிகள் அறிவுறுத்தியுள்ளனர்.

பிரான்ஸில் எரியும் காட்டுத்தீயின் தாக்கம் எல்லைகளை கடந்து சுவிஸ் வானிலும் தெரியும் நிலையில், இயற்கை பேரிடர்களின் தாக்கம் எவ்வாறு நாடுகளைக் கடந்து செல்கிறது என்பதற்கு இது மற்றொரு எடுத்துக்காட்டாக அமைந்துள்ளது.