இவோன் கில்லி பதவி விலக வேண்டும்! 1200-க்கும் மேற்பட்ட கையெழுத்துகளுடன் பரபரப்பு மனு!

இவோன் கில்லி பதவி விலக வேண்டும்! 1200-க்கும் மேற்பட்ட கையெழுத்துகளுடன் பரபரப்பு மனு!

சுவிட்சர்லாந்தின் மருத்துவத் துறையில் மிகப்பெரிய சர்ச்சை வெடித்துள்ளது. சுவிஸ் மருத்துவ சங்கமான FMH-ன் தலைவர் இவோன் கில்லி பதவி விலக வேண்டும் என கோரி புதிய மனு ஒன்று தாக்கல் செய்யப்பட்டுள்ளது.

மருத்துவர்களுக்கான கட்டண வரம்பு மற்றும் தலைமை மருத்துவர்களின் சம்பளம் தொடர்பாக கில்லி வெளியிட்ட கருத்துகளே இந்த எதிர்ப்புக்கு முக்கிய காரணமாக அமைந்துள்ளது.

ஜூலை 5 முதல் பரவி வரும் இந்த இணையவழி மனுவில் இதுவரை ஆயிரத்துக்கும் மேற்பட்ட மருத்துவர்கள் மற்றும் ஆதரவாளர்கள் கையெழுத்திட்டுள்ளனர்.

விமர்சகர்களின் குற்றச்சாட்டு என்னவென்றால், மருத்துவர்களின் கட்டணங்களுக்கு வரம்பு விதிக்கும் முடிவை FMH உறுப்பினர்களுடன் போதுமான ஆலோசனை இல்லாமல் ஏற்றுக்கொண்டதாகும்.

இந்த புதிய விதி நடைமுறைக்கு வந்தால், ஒரு நாளில் மருத்துவர்கள் வசூலிக்கக்கூடிய கட்டணப் புள்ளிகளுக்கு வரம்பு இருக்கும். இதனால் அதிக சேவை வழங்கும் மருத்துவர்கள் நோயாளிகளை திருப்பி அனுப்ப வேண்டிய நிலை அல்லது இலவசமாக பணியாற்றும் சூழல் உருவாகலாம் என எதிர்ப்பாளர்கள் எச்சரிக்கின்றனர்.

மேலும், தலைமை மருத்துவர்களின் அதிக சம்பளம் குறித்து கில்லி தெரிவித்த கருத்துகளும் மருத்துவர்களிடையே கடும் அதிருப்தியை ஏற்படுத்தியுள்ளது.

ஆனால் FMH தரப்பு, இந்த நடவடிக்கையின் நோக்கம் மருத்துவச் செலவுகளை கட்டுப்படுத்துவதும் முறைகேடுகளை தடுப்பதும்தான் என விளக்கம் அளித்துள்ளது.

இந்நிலையில், கில்லி பதவி விலகுவாரா? அல்லது மருத்துவர்களின் எதிர்ப்பு மேலும் தீவிரமடையுமா? என்பது சுவிட்சர்லாந்து மருத்துவ உலகின் அடுத்த பரபரப்பான கேள்வியாக மாறியுள்ளது.