4 மாதங்களாக சுவிட்சர்லாந்தில் காணாமல் போயிருந்த 21 வயது இளைஞர், சடலமாகக் கண்டெடுக்கப்பட்டுள்ள சம்பவம் பெரும் சோகத்தை ஏற்படுத்தியுள்ளது.”
வாலைஸ் மாகாண காவல்துறையின் தகவலின்படி, அட்ரியன் ஜி. என்ற 21 வயது இளைஞர், கடந்த பிப்ரவரி 5ஆம் தேதி முதல் காணாமல் போயிருந்தார்.
சம்பவத்திற்கு முந்தைய இரவு, அவர் தனது நண்பர்களுடன் சியோன் நகரில் நேரம் செலவிட்டிருந்தார்.
அதிகாலை சுமார் 1 மணி அளவில், ஒரு குடும்ப உறுப்பினருடன் அவர் கடைசியாக தொலைபேசியில் தொடர்புகொண்டார்.
அப்போது, மைக்ரோஸ் லெ ரிட்ஸ் அருகிலுள்ள திராட்சைத் தோட்டப் பகுதியில் இருப்பதாகவும், சியோன் நகர மையத்தை நோக்கி நடந்து சென்று கொண்டிருப்பதாகவும் கூறியிருந்தார்.
அதன்பிறகு, அவருடன் எந்தத் தொடர்பும் கிடைக்கவில்லை.
பல மாதங்களாக நடைபெற்ற தேடுதலுக்குப் பிறகு, ஜூன் 15ஆம் தேதி திங்கட்கிழமை, அவரது உடல் கண்டெடுக்கப்பட்டதாக காவல்துறை அதிகாரப்பூர்வமாக அறிவித்துள்ளது.
இளைஞரின் மரணத்திற்கான துல்லியமான காரணம் மற்றும் சூழ்நிலைகளை கண்டறிய, அரசுத் தரப்பு வழக்கறிஞர் அலுவலகம் அதிகாரப்பூர்வ விசாரணையைத் தொடங்கியுள்ளது.
இந்த வழக்கின் உண்மை என்ன? மரணத்திற்கான காரணம் என்ன? என்ற கேள்விகளுக்கான பதில், விசாரணை முடிவுகளுக்குப் பிறகே தெரியவரும்.
