ஆரோக்கியமற்ற உணவுகளுக்கான விளம்பரங்களை கட்டுப்படுத்த சுவிட்சர்லாந்து அரசு திட்டம்

ஆரோக்கியமற்ற உணவுகளுக்கான விளம்பரங்களை கட்டுப்படுத்த சுவிட்சர்லாந்து அரசு திட்டம்

அதிக அளவு உப்பு, சர்க்கரை மற்றும் கொழுப்பு கொண்ட உணவுகளுக்கான விளம்பரங்களை கட்டுப்படுத்தும் புதிய முன்மொழிவை Federal Food Safety and Veterinary Office (BLV) உணவுத் துறை பிரதிநிதிகளிடம் முன்வைத்துள்ளது.

குறிப்பாக சிறுவர்களை குறிவைத்து வெளியிடப்படும் விளம்பரங்களுக்கு கட்டுப்பாடுகள் அவசியம் என அதிகாரிகள் வலியுறுத்தியுள்ளனர்.

BLV வெளியிட்ட அறிக்கையில், “சுய ஒழுங்குமுறை நடைமுறைகள் முழு துறையிலும் அமல்படுத்தப்பட வேண்டும். மேலும், 13 வயதிற்குட்பட்ட குழந்தைகளை இலக்காகக் கொண்ட அனைத்து விளம்பர தளங்களையும் — ஆன்லைன் மற்றும் ஆஃப்லைன் — உள்ளடக்க வேண்டும்” என தெரிவிக்கப்பட்டுள்ளது.

சமீப ஆண்டுகளில் குழந்தைகளிடையே அதிகரித்து வரும் உடல் பருமன், நீரிழிவு மற்றும் ஆரோக்கியமற்ற உணவுப் பழக்கங்கள் குறித்து உலகளவில் கவலை அதிகரித்து வரும் நிலையில், சுவிட்சர்லாந்தும் உணவு விளம்பரங்களுக்கான கட்டுப்பாடுகளை வலுப்படுத்த முயற்சி மேற்கொண்டு வருகிறது.

குறிப்பாக சமூக ஊடகங்கள், வீடியோ தளங்கள் மற்றும் குழந்தைகள் அதிகம் பயன்படுத்தும் டிஜிட்டல் சேவைகள் மூலம் ஆரோக்கியமற்ற உணவுகள் தீவிரமாக விளம்பரப்படுத்தப்படுவதாக சுகாதார அமைப்புகள் நீண்டகாலமாக எச்சரித்து வருகின்றன.

©WRS