சுவிட்சர்லாந்தின் ட்வின்ட் செயலியில் 2027 முதல் நேரடிப் பணப்பரிவர்த்தனை வசதி அறிமுகம்
சுவிட்சர்லாந்தின் முன்னணி வங்கிகளின் ஆதரவுடன் செயல்படும் பிரபல டிஜிட்டல் பணப்பரிவர்த்தனை செயலியான ட்வின்ட், வரும் 2027-ஆம் ஆண்டு முதல் ‘டைரக்ட் டெபிட்’ எனும் நேரடிப் பணப்பரிவர்த்தனை சேவையை அறிமுகப்படுத்தவுள்ளது. சுவிட்சர்லாந்தில் தற்போது பயன்பாட்டில் இருக்கும் பாரம்பரிய ‘எல்.எஸ்.வி பிளஸ்’ நேரடிப் பணப்பரிவர்த்தனை முறை 2028-ஆம் ஆண்டு செப்டம்பர் மாத இறுதியில் முழுமையாக நிறுத்தப்பட உள்ள நிலையில், அதற்கு மாற்றாக இந்த புதிய சேவை கொண்டுவரப்படுகிறது.
இது குறித்து ட்வின்ட் நிறுவனம் செவ்வாய்க்கிழமை வெளியிட்டுள்ள அறிக்கையில், இந்த புதிய வசதியின் மூலம் பயனர்கள் தங்களின் மாதாந்திர கட்டணங்கள் மற்றும் தொடர்ச்சியான பணப்பரிவர்த்தனைகளை செயலி வாயிலாகவே மிக எளிதாக அமைக்கவும், நிர்வகிக்கவும், கண்காணிக்கவும் முடியும் என்று தெரிவித்துள்ளது.
சுவிட்சர்லாந்தில் ஸ்மார்ட்ஃபோன் பயனர்கள் மத்தியில் மிகவும் புகழ்பெற்ற பணப்பரிவர்த்தனை செயலியாக விளங்கும் ட்வின்ட், இந்த புதிய அம்சத்தை இணைப்பதன் மூலம் வாடிக்கையாளர்கள் தங்களின் மின்சாரக் கட்டணம், வாடகை மற்றும் பிற மாதாந்திர சந்தாக்களைத் தடங்கலின்றிச் செலுத்த முடியும்.
டிஜிட்டல் வங்கி அமைப்பை மேலும் வலுப்படுத்தவும், வாடிக்கையாளர்களுக்கு நவீன சேவைகளை வழங்கி சிரமத்தைக் குறைக்கவும் இந்த நடவடிக்கை எடுக்கப்பட்டுள்ளது.
