வீடியோ எடுக்க முயன்றபோது தாக்குதலா? SBB மீது மாடல் கடும் குற்றச்சாட்டு!

வீடியோ எடுக்க முயன்றபோது தாக்குதலா? SBB மீது மாடல் கடும் குற்றச்சாட்டு!

ஜெர்மனியிலிருந்து சூரிச்சிற்கு ரயிலில் பயணம் செய்த மாடலும் தொழில்முனைவோருமான டாமி க்ளாசர், SBB ஊழியர் ஒருவர் தன்னை உடல்ரீதியாகத் தாக்கியதாக பரபரப்பு குற்றச்சாட்டை முன்வைத்துள்ளார்.

ரயிலில் இருந்து இறங்கியபோது, மூன்று SBB ஊழியர்கள் தன்னை அணுகியதாகவும், அவர்களில் இருவர் பாதுகாப்புப் பணியாளர்கள் என்றும் க்ளாசர் தெரிவித்துள்ளார்.

தன்னை அவர்கள் தேடிய நபர் என்று தவறாக நினைத்து, ஒரு பாதுகாப்பு ஊழியர் தன்னை நோக்கி வந்ததாகவும் அவர் கூறுகிறார்.

பின்னர் அந்தத் தவறு தெரியவந்தபோதும், சம்பந்தப்பட்ட ஊழியர் தன்னிடம் மன்னிப்பு கேட்கவில்லை என க்ளாசர் தெரிவித்துள்ளார்.

இதையடுத்து அந்த ஊழியரின் பெயரைக் கேட்டதாகவும், அவர் பெயரைக் கூற மறுத்ததால், தனது தொலைபேசியில் புகைப்படம் எடுக்க முயன்றதாகவும் கூறியுள்ளார்.

அப்போது நிலைமை திடீரென மோசமடைந்து, அந்த ஊழியர் தொலைபேசியால் தன்னை தாக்க முயன்றதாகவும், பின்னர் தன்னை சுவரில் தள்ளியதாகவும் க்ளாசர் குற்றம்சாட்டியுள்ளார்.

மேலும், தனது கையில் ஏற்பட்ட சிவப்பு மற்றும் நீல நிறத் தழும்புகளின் புகைப்படத்தையும் சமூக வலைதளத்தில் வெளியிட்டுள்ளார்.

இந்த சம்பவம் தொடர்பாக அடையாளம் தெரியாத நபர் மீது காவல்துறையில் புகார் அளித்து வருவதாகவும் அவர் தெரிவித்துள்ளார்.

இதற்கிடையில், SBB இந்தக் குற்றச்சாட்டுகளை தீவிரமாக எடுத்துக்கொண்டு உள்விசாரணையை தொடங்கியுள்ளது.