2026ல் செலவுகளை குறைக்கத் திட்டமிடும் சுவிட்சர்லாந்து நுகர்வோர்.

2026ல் செலவுகளை குறைக்கத் திட்டமிடும் சுவிட்சர்லாந்து நுகர்வோர்

சுவிட்சர்லாந்தில் வாழும் பல நுகர்வோர், 2026ஆம் ஆண்டில் தங்களின் செலவுகளை கட்டுப்படுத்தி சேமிப்பை அதிகரிக்க திட்டமிட்டு இருப்பதாக புதிய கருத்துக்கணிப்பு தெரிவிக்கிறது. மேனேஜ்மென்ட் டூல்ஸ் ரிசர்ச் நிறுவனம் நடத்திய ‘கன்சூமர் மானிட்டர்’ ஆய்வின் முடிவுகள் செவ்வாய்க்கிழமை வெளியிடப்பட்டன.

இந்த ஆய்வின் படி, சுவிட்சர்லாந்து மக்கள்தொகையில் சுமார் மூன்றில் ஒரு பகுதியினர், வரவிருக்கும் ஆண்டில் செலவுகளை குறைத்து எச்சரிக்கையுடன் பணத்தை பயன்படுத்த திட்டமிட்டுள்ளனர். குறிப்பாக மேற்கு சுவிட்சர்லாந்து பகுதிகளிலும் டிசினோ கன்டோனிலும் இந்த மனநிலை அதிகமாக காணப்படுவதாக ஆய்வு சுட்டிக்காட்டுகிறது.

கருத்துக்கணிப்பில் பங்கேற்றவர்களில் 37 சதவீதம் பேர், தினசரி தேவைகளுக்கான செலவுகளை குறைப்பதாக தெரிவித்துள்ளனர். இதற்கு மாறாக, 2026ல் அதிகமாக செலவிட திட்டமிட்டுள்ளதாக கூறியவர்கள் 19 சதவீதம் மட்டுமே. இது, நுகர்வோர் மனநிலையில் இன்னும் நிச்சயமற்ற நிலை நீடிக்கிறது என்பதை காட்டுகிறது.

இதுகுறித்து கருத்து தெரிவித்த மேனேஜ்மென்ட் டூல்ஸ் ரிசர்ச் நிறுவனத்தின் இணை தலைமை நிர்வாக அதிகாரி லோரா கொல்லெடானி, 2026ஆம் ஆண்டில் நுகர்வோர் மேலும் எச்சரிக்கையுடன் செயல்படுவார்கள் என எதிர்பார்ப்பதாக கூறினார். மக்கள்தொகையின் பெரிய பகுதி இன்னும் சேமிக்க வேண்டிய அழுத்தத்தை தெளிவாக உணர்ந்து வருவதாகவும் அவர் குறிப்பிட்டார்.

கடந்த சில ஆண்டுகளாக உயர்ந்து வரும் வாழ்க்கைச் செலவுகள், வீட்டு வாடகை, சுகாதாரக் காப்பீட்டு கட்டணங்கள் மற்றும் உலகளாவிய பொருளாதார நிச்சயமின்மை ஆகியவை, சுவிட்சர்லாந்து மக்களின் செலவுப் பழக்கங்களில் மாற்றத்தை ஏற்படுத்தி வருகின்றன. இதன் தாக்கம் 2026லும் தொடரும் என்பதையே இந்த ஆய்வு வெளிப்படுத்துகிறது.

© KeystoneSDA