சுவிட்சர்லாந்தில் வெப்பமடைந்து வரும் வீடுகள் குறித்து கவலை.!

சுவிட்சர்லாந்தில் வெப்பமடைந்து வரும் வீடுகள் குறித்து கவலை.!

சுவிட்சர்லாந்தில், கட்டிடங்கள் பெரும்பாலும் குளிர்காலத்தை எதிர்கொள்ளும் வகையில் வடிவமைக்கப்பட்டுள்ளன. ஆனால், அதிகரித்து வரும் கடும் கோடைக்கால வெப்பம், குடியிருப்புகளுக்கு புதிய சவாலாக மாறி வருகிறது.

“புதிய கட்டிடங்கள் இன்னும் தெற்குநோக்கி பெரிய ஜன்னல்களுடன் குளிர்காலத்துக்கேற்ப கட்டப்படுகின்றன. இதனால் கோடையில் உள்ளே வெப்பம் அதிகரிக்கிறது,” என லூசெர்ன் தொழில்நுட்ப பல்கலைக்கழகத்தின் ஆராய்ச்சியாளர் மற்றும் கட்டிட நிபுணர் ஜியன்ரிகோ செட்டெம்பிரினி கூறினார்.

இதனை சமாளிக்க, சுவிஸ் மத்திய ஆற்றல் அலுவலகம் (SFOE) கோடைக்காலத்தில் வீடுகளை வசிப்பதற்கு ஏற்றவாறு (அதாவது, அதிக சூடு இல்லாமல்) மாற்றும் சூழலுக்கு உகந்த, பொருளாதார மற்றும் நிலைத்தன்மை கொண்ட தீர்வுகள் குறித்து ஒரு ஆய்வை வெளியிட்டுள்ளது.

அந்த ஆய்வில், படுக்கை குளிரூட்டும் அமைப்புகள் , விசிறிகள், குளிரூட்டும் துணிகள், மற்றும் ‘ஜியோ-கூலிங்’ — நிலத்தின் அடிக்கடி மாறாத குளிர்ந்த வெப்பநிலையைப் பயன்படுத்தி கட்டிடங்களை குளிர்வித்தல் போன்ற முறைகள் பரிந்துரைக்கப்பட்டுள்ளன.

மறுபுறம், அதிக மின்சாரத்தை நுகரும் ஏர் கண்டிஷன் அமைப்புகளைத் தவிர்க்க வேண்டும் என்றும் அந்த அறிக்கை வலியுறுத்துகிறது.

@KeystoneSDA