மாஸ்கோவின் அரசியல் அழுத்தம் சுவிட்சர்லாந்தில்? வாக்கெடுப்புக்கு முன் பரபரப்பு!
சுவிஸ் நடுநிலைமை வாக்கெடுப்பில் ரஷ்யாவின் மறைமுக ஆதரவு குறித்த விவாதம் தற்போது தீவிரமடைந்துள்ளது.
செப்டம்பர் 27ஆம் தேதி, SVP கட்சியின் முக்கியத் தலைவர் கிறிஸ்டோஃப் ப்ளோச்சர் முன்வைத்துள்ள நடுநிலைமை முன்னெடுப்பு குறித்து சுவிட்சர்லாந்து மக்கள் வாக்களிக்க உள்ளனர்.
இந்த முன்னெடுப்புக்கு ஆதரவாக வாக்குகள் கிடைத்தால், ரஷ்யாவுக்கு எதிராக ஐரோப்பிய ஒன்றியத்தின் தடைகளை சுவிட்சர்லாந்து விதிப்பதில் கட்டுப்பாடுகள் ஏற்படலாம் என கூறப்படுகிறது.
இதற்கிடையில், மாஸ்கோவைச் சேர்ந்த உயர்மட்ட அதிகாரிகள் இந்த விவகாரத்தில் கருத்து தெரிவித்து வருகின்றனர். ரஷ்ய வெளியுறவு அமைச்சக செய்தித் தொடர்பாளர் மரியா ஜகரோவா, சுவிஸ் கூட்டாட்சி மன்றத்தின் நிலைப்பாட்டை கடுமையாக விமர்சித்துள்ளார்.
சுவிட்சர்லாந்து தனது பாரம்பரிய நடுநிலை கொள்கையை மீறி, ரஷ்யாவுக்கு எதிரான தடைகள் மற்றும் உக்ரைன் தொடர்பான சர்வதேச நடவடிக்கைகளில் ஈடுபட்டுள்ளதாக ரஷ்யா குற்றம்சாட்டுகிறது.
ஆனால், சுவிஸ் அரசு தரப்பு, நவீன காலத்தில் நடுநிலைமை என்பது சர்வதேச சட்டம் மற்றும் மனித உரிமைகளை கருத்தில் கொண்டு செயல்பட வேண்டிய ஒன்று என வலியுறுத்துகிறது.
இதற்கிடையில், ரஷ்யாவுக்கு நெருக்கமான சில சுவிஸ் அரசியல் வட்டாரங்கள் இந்த முன்னெடுப்புக்கு ஆதரவு தெரிவித்து வருகின்றன.
வரவிருக்கும் வாக்கெடுப்பு, சுவிட்சர்லாந்தின் வெளியுறவு கொள்கை மற்றும் எதிர்கால நடுநிலை நிலைப்பாட்டில் முக்கிய தாக்கத்தை ஏற்படுத்தும் என அரசியல் ஆய்வாளர்கள் தெரிவிக்கின்றனர்.
