ஒரு மின்னஞ்சல்… காலியாகும் உங்கள் வங்கி கணக்கு! சுவிஸில் புதிய சைபர் எச்சரிக்கை!

ஒரு மின்னஞ்சல்… காலியாகும் உங்கள் வங்கி கணக்கு! சுவிஸில் புதிய சைபர் எச்சரிக்கை!

சுவிட்சர்லாந்தில் “ஹலோ மாம்” என்ற பெயரில் புதிய வகை வாட்ஸ்அப் மோசடி வேகமாகப் பரவி வருவதாக சைபர் பாதுகாப்பு அதிகாரிகள் பொதுமக்களை எச்சரித்துள்ளனர்.

இந்த மோசடியில், முதலில் வாட்ஸ்அப் அறிவிப்பைப் போலவே தோற்றமளிக்கும் ஒரு மின்னஞ்சல் அனுப்பப்படுகிறது. அதில், “இது என் புதிய எண்… தயவுசெய்து உடனே எனக்கு ஒரு செய்தி அனுப்புங்கள்” என்று மகன் அல்லது மகள் அனுப்பியதுபோல் போலியாகக் காட்டப்படுகிறது.

அந்த மின்னஞ்சலில் உள்ள “இங்கே திறக்கவும்” என்ற இணைப்பை அழுத்தியவுடன், பாதிக்கப்பட்டவர் நேரடியாக மோசடிக்காரர்களின் வாட்ஸ்அப் உரையாடலுக்குள் அழைத்துச் செல்லப்படுகிறார்.

அதன்பின், கைபேசி பழுதாகிவிட்டது, வங்கிப் பரிமாற்றம் செய்ய வேண்டும் அல்லது அவசரமாக பணம் தேவை எனக் கூறி, உணர்ச்சிப்பூர்வமான கதைகளை உருவாக்கி பணம் அனுப்புமாறு மோசடிக்காரர்கள் வற்புறுத்துகின்றனர்.

சைபர் பாதுகாப்பு அதிகாரிகள், இதுபோன்ற மின்னஞ்சல்களில் வரும் இணைப்புகளை ஒருபோதும் திறக்க வேண்டாம் என்றும், புதிய எண் என்று கூறுபவரை நம்பாமல், எப்போதும் அவர்களின் பழைய தொலைபேசி எண்ணுக்கு நேரடியாக அழைத்து உறுதிப்படுத்திக் கொள்ள வேண்டும் என்றும் அறிவுறுத்தியுள்ளனர்.

ஏற்கனவே பணம் அனுப்பியிருந்தால், உடனடியாக உங்கள் வங்கி அல்லது பணப் பரிவர்த்தனை சேவை வழங்குநரைத் தொடர்புகொண்டு, அருகிலுள்ள காவல் நிலையத்தில் புகார் அளிக்கவும் என்றும் அதிகாரிகள் கேட்டுக்கொண்டுள்ளனர்.