குடியேற்ற கட்டுப்பாட்டு வாக்கெடுப்பு: “Brexit” அனுபவத்துடன் ஒப்பிடப்படும் சுவிட்சர்லாந்து
சுவிட்சர்லாந்தில் குடியேற்ற எண்ணிக்கையை கட்டுப்படுத்தும் நோக்கில் நடைபெறவுள்ள மக்கள் வாக்கெடுப்பை முன்னிட்டு, பல அரசியல் மற்றும் பொருளாதார பார்வையாளர்கள் இதை பிரிட்டனின் “Brexit” அனுபவத்துடன் ஒப்பிட்டு வருகின்றனர்.
ஜூன் 14 ஆம் தேதி நடைபெறவுள்ள இந்த வாக்கெடுப்பில், Swiss People’s Party (SVP) முன்வைத்துள்ள “No to a ten-million Switzerland” முன்மொழிவுக்கு மக்கள் தீர்மானம் வழங்கவுள்ளனர்.
இந்த முன்மொழிவு அங்கீகரிக்கப்பட்டால், சுவிட்சர்லாந்து மற்றும் ஐரோப்பிய ஒன்றியத்துக்கிடையிலான சுதந்திர நடமாட்ட ஒப்பந்தம் முடிவுக்கு வரக்கூடும் என கூறப்படுகிறது.
Swissinfo வெளியிட்ட பகுப்பாய்வில், சுதந்திர நடமாட்டத்தை கைவிட்ட ஒரே ஐரோப்பிய நாடான பிரிட்டனின் அனுபவம் சுட்டிக்காட்டப்பட்டுள்ளது. Brexit பிறகு ஐரோப்பிய ஒன்றிய நாடுகளிலிருந்து வரும் குடியேற்றம் குறைந்திருந்தாலும், அதற்கு பதிலாக ஐரோப்பாவுக்கு வெளியிலிருந்து வரும் குடியேற்றம் அதிகரித்ததால் மொத்த குடியேற்ற எண்ணிக்கை எதிர்பார்த்தபடி குறையவில்லை என பொருளாதார நிபுணர்கள் தெரிவிக்கின்றனர்.
சுவிட்சர்லாந்தில் தற்போது சுதந்திர நடமாட்ட ஒப்பந்தத்தின் கீழ் வாழ்ந்து பணியாற்றும் ஆயிரக்கணக்கான வெளிநாட்டவர்களுக்கு, இந்த வாக்கெடுப்பின் முடிவு எதிர்கால குடியேற்ற விதிமுறைகளில் பெரிய மாற்றத்தை ஏற்படுத்தக்கூடும் என பார்க்கப்படுகிறது.
இதேவேளை, Economiesuisse இந்த முன்மொழிவுக்கு எதிராக பிரச்சாரம் செய்ய 4 மில்லியன் சுவிஸ் பிராங்குக்கும் அதிக தொகையை செலவிட்டு வருவதாக தெரிவித்துள்ளது.
“10 மில்லியன் சுவிட்சர்லாந்துக்கு இல்லை” என்ற முன்மொழிவு நாட்டின் பொருளாதார வளர்ச்சிக்கும் நிலைத்தன்மைக்கும் அச்சுறுத்தலாக மாறக்கூடும் என Economiesuisse எச்சரித்துள்ளது.
WRS
