ஐரோப்பாவில் அதிக நேரம் உழைக்கும் மக்கள் சுவிட்சர்லாந்தில்தான்

ஐரோப்பாவில் அதிக நேரம் உழைக்கும் மக்கள் சுவிட்சர்லாந்தில்தான்

சுவிட்சர்லாந்தில் பணியாற்றும் ஊழியர்கள் 2025ஆம் ஆண்டில் மொத்தமாக 8 பில்லியன் மணிநேரங்களுக்கு மேல் வேலை செய்துள்ளதாக சுவிட்சர்லாந்து மத்திய புள்ளிவிவர அலுவலகம் (BFS) வெளியிட்ட புதிய தரவுகள் தெரிவிக்கின்றன.

கடந்த ஆண்டு முழுநேர பணியாளர்களின் சராசரி வாராந்திர வேலை நேரம் 40 மணி நேரம் மற்றும் 3 நிமிடங்களாக பதிவாகியுள்ளது.

முழு வாரமும் பணிக்கு வராதவர்களை கணக்கில் கொள்ளாமல் பார்த்தால், சுவிட்சர்லாந்தில் சராசரி வேலை நேரம் வாரத்திற்கு 42 மணி 24 நிமிடங்களாக உயர்கிறது. இது ஐரோப்பிய ஒன்றிய நாடுகளுடன் ஒப்பிடுகையில் மிக உயர்ந்த அளவாகக் கருதப்படுகிறது.

உற்பத்தித்திறன், நேர்த்தி மற்றும் தொழில்முறை ஒழுக்கம் ஆகியவற்றில் சுவிட்சர்லாந்து ஏற்கனவே முன்னணி நாடாக பார்க்கப்படும் நிலையில், புதிய புள்ளிவிவரங்கள் அந்தப் படிமத்தை மேலும் உறுதிப்படுத்துகின்றன.

சுகாதாரம், நிதி, கட்டுமானம் மற்றும் தொழில்நுட்பத் துறைகள் உள்ளிட்ட பல துறைகளில் அதிக பணிச்சுமை மற்றும் திறமையான தொழிலாளர் தேவை தொடர்ந்து உயர்ந்து வருவதும், வேலை நேரம் அதிகரிக்கக் காரணமாக இருப்பதாக நிபுணர்கள் கூறுகின்றனர்.