ஜெனீவா மக்கள்தொகை தொடர்ந்து அதிகரிப்பு

ஜெனீவா மக்கள்தொகை தொடர்ந்து அதிகரிப்பு

சுவிட்சர்லாந்தின் ஜெனீவா (Genève) கன்டோனில் 2025ஆம் ஆண்டிலும் மக்கள்தொகை தொடர்ந்து அதிகரித்துள்ளது. கடந்த ஆண்டு டிசம்பர் இறுதிக்குள் அங்கு வசிக்கும் மக்களின் எண்ணிக்கை 537,000-ஐ கடந்துள்ளதாக கன்டோனின் புள்ளிவிவர அலுவலகம் தெரிவித்துள்ளது.

இந்த மக்கள்தொகையில் சுமார் 41.7 சதவீதம் பேர் வெளிநாட்டு குடியுரிமை பெற்றவர்களாக உள்ளனர். 2025ஆம் ஆண்டில் மட்டும் ஜெனீவாவின் மக்கள்தொகை சுமார் 7,000 பேரால் அதிகரித்துள்ளது. இந்த உயர்விற்கு முக்கிய காரணமாக குடியேற்றம் இருந்ததாக அதிகாரிகள் கூறுகின்றனர். புதிய குடியிருப்பாளர்களில் ஐந்து பேரில் நான்கு பேர் வரை வெளிநாடுகளில் இருந்து குடியேறியவர்களாக இருப்பது இந்த வளர்ச்சியை காட்டுகிறது.

ஜெனீவாவில் வசிக்கும் வெளிநாட்டு சமூகங்களில் பிரான்ஸ் நாட்டைச் சேர்ந்தவர்கள் இன்னும் மிகப்பெரிய சமூகமாகவே உள்ளனர். பிரான்ஸ் எல்லைக்கு அருகில் அமைந்துள்ள ஜெனீவாவிற்கு அண்டை நாடான பிரான்ஸிலிருந்து வேலை மற்றும் வாழ்வதற்காக பலர் குடியேறுவது வழக்கமாக இருப்பதால், இந்த நிலை நீண்ட காலமாக தொடர்கிறது.

இதற்கிடையில், குடியிருப்பு வசதிகளின் எண்ணிக்கையும் அதிகரித்துள்ளது. 2025ஆம் ஆண்டில் ஜெனீவாவில் சுமார் 2,500-க்கும் மேற்பட்ட புதிய வீடுகள் கூடுதலாக கிடைத்துள்ளன. இருப்பினும் கடந்த சில ஆண்டுகளில் ஏற்பட்ட கட்டுமான வளர்ச்சிக்குப் பிறகு, தற்போது புதிய வீடுகள் கட்டப்படும் வேகம் மெதுவாக குறைந்து வருவதாக புள்ளிவிவரங்கள் தெரிவிக்கின்றன.

மக்கள்தொகை தொடர்ந்து அதிகரித்து வரும் நிலையில், எதிர்காலத்தில் ஜெனீவாவில் வீட்டு வசதி, போக்குவரத்து மற்றும் நகர வளர்ச்சி தொடர்பான திட்டங்களுக்கு அதிக முக்கியத்துவம் தேவைப்படும் என நிபுணர்கள் கருத்து தெரிவிக்கின்றனர்.