ஜெர்மனியர்கள் அதிகமாக குடியேறும் நாடாக சுவிட்சர்லாந்து முன்னிலையில்
சுவிட்சர்லாந்தை தங்களின் புதிய வாழ்விடமாக தேர்வு செய்யும் Germany நாட்டவர்களின் எண்ணிக்கை தொடர்ந்து அதிகரித்து வருவதாக புதிய புள்ளிவிவரங்கள் தெரிவிக்கின்றன.
ஜெர்மனியின் Federal Statistical Office Germany (Wiesbaden) வெளியிட்ட சமீபத்திய தகவலின்படி, 2025ஆம் ஆண்டு தொடக்கத்தில் சுமார் 3 இலட்சத்து 30 ஆயிரம் ஜெர்மனியர்கள் சுவிட்சர்லாந்தில் வசித்து வந்துள்ளனர்.
இதன் மூலம், வெளிநாடுகளில் குடியேறும் ஜெர்மனியர்களுக்கு மிகவும் விருப்பமான நாடாக சுவிட்சர்லாந்து திகழ்கிறது.
அதிக சம்பளம், நிலையான பொருளாதாரம், உயர்ந்த வாழ்க்கைத் தரம் மற்றும் ஜெர்மன் மொழி பேசப்படும் சூழல் ஆகியவை ஜெர்மனியர்களை சுவிட்சர்லாந்து நோக்கி அதிகமாக ஈர்க்கும் முக்கிய காரணங்களாக பார்க்கப்படுகின்றன.
குறிப்பாக மருத்துவம், தகவல் தொழில்நுட்பம், பொறியியல், நிதிசேவைகள் மற்றும் ஆராய்ச்சி துறைகளில் பணிபுரியும் திறமையான நிபுணர்கள் அதிக அளவில் சுவிட்சர்லாந்துக்கு குடிபெயர்ந்து வருவதாக ஆய்வுகள் தெரிவிக்கின்றன.
இதேவேளை, ஜெர்மன் மொழி பேசப்படும் மற்றொரு அண்டை நாடான Austria இரண்டாவது இடத்தில் உள்ளது. அங்கு சுமார் 2 இலட்சத்து 40 ஆயிரம் ஜெர்மன் குடியுரிமையாளர்கள் வசித்து வருகின்றனர்.
சுவிட்சர்லாந்தில் வெளிநாட்டு மக்கள் தொகை தொடர்ந்து உயர்ந்து வரும் நிலையில், வீட்டு வசதி, வேலை சந்தை மற்றும் குடியேற்ற கொள்கைகள் குறித்து அரசியல் விவாதங்களும் அதிகரித்து வருகின்றன.
