கூர் நோக்கி தவறான திசையில் சென்ற 42 வயது ஓட்டுநர்! தானியங்கி எச்சரிக்கையால் சிக்கினார்!
செயின்ட் கேலன் மாகாணத்தின் மோல்ஸ் அருகே, A3 நெடுஞ்சாலையில் தவறான திசையில் கார் ஓட்டிச் சென்ற 42 வயது ஓட்டுநரை போலீசார் தடுத்து நிறுத்தியுள்ளனர்.
செவ்வாய்க்கிழமை அதிகாலை இடம்பெற்ற இந்த சம்பவத்தில், குறித்த நபர் கூர் நோக்கிச் செல்லும் சாலையில், தவறான திசையில் வாகனத்தை ஓட்டிச் சென்றதாக செயின்ட் கேலன் மாகாண காவல்துறை தெரிவித்துள்ளது.
குவார்டன் சுரங்கப்பாதையில் வாகனம் தவறான திசையில் செல்வதை கண்டறிந்த தானியங்கி எச்சரிக்கை அமைப்பு, உடனடியாக அவசரகால நடவடிக்கை மையத்துக்கு தகவல் அனுப்பியது.
இதையடுத்து போலீசார் விரைந்து நடவடிக்கை மேற்கொண்டனர்.
இறுதியில், மோல்ஸ் அருகே நிறுத்தப்பட்டிருந்த ஒரு காருக்குள் அந்த ஓட்டுநரை போலீஸ் ரோந்து குழுவினர் கண்டுபிடித்தனர்.
பின்னர் போலீசாரின் உதவியுடன் அந்த வாகனம் சரியான திசைக்கு திருப்பப்பட்டது.
மேலும், குறித்த ஓட்டுநரின் வெளிநாட்டு ஓட்டுநர் உரிமம், சுவிட்சர்லாந்தில் வாகனம் ஓட்டுவதற்காக ஏற்கனவே ரத்து செய்யப்பட்டிருந்ததாகவும் போலீசார் தெரிவித்துள்ளனர்.
இந்த சம்பவம் தொடர்பாக மேலதிக விசாரணைகள் தொடர்ந்து நடைபெற்று வருகின்றன.
