சூரிச் நகரில் இலவச குப்பை கூப்பன்களை மீண்டும் வழங்குவது குறித்து மக்கள் வாக்கெடுப்பு
சூரிச் நகரில் வசிப்பவர்கள் தங்களின் வீடுகளில் உள்ள தேவையற்ற பெரிய கழிவுப் பொருட்களை மறுசுழற்சி மையங்களில் கொட்டுவதற்காக, ஆண்டுதோறும் 400 கிலோ வரை இலவசமாகப் பயன்படுத்தக்கூடிய கழிவு அகற்றும் கூப்பன்கள் வழங்கப்பட்டு வந்தன. ஆனால், நகராட்சி நிர்வாகம் எடுத்த முடிவின் காரணமாக இந்த நிதியுதவி சலுகைகள் நிறுத்தப்பட்டன.
நகராட்சியின் இந்த நடவடிக்கைக்கு எதிர்ப்பு தெரிவித்து, சுவிஸ் மக்கள் கட்சி சார்பில் பொதுமக்களிடம் கையெழுத்து இயக்கம் தொடங்கப்பட்டது. இந்தச் சலுகையை மீண்டும் கொண்டுவரக் கோரி நடத்தப்பட்ட இந்த முயற்சியில், சட்டப்பூர்வ வாக்கெடுப்பு நடத்துவதற்குத் தேவையான எண்ணிக்கையிலான மக்களின் ஆதரவு கையெழுத்துகள் பெறப்பட்டுள்ளன.
இதன் மூலம், சூரிச் நகர மக்களுக்கு கழிவு கூப்பன்கள் வழங்கும் முறையை மீண்டும் கொண்டுவருவதா அல்லது ரத்து செய்யப் பட்டதையே தொடர்வதா என்பதை வாக்கெடுப்பு மூலம் தீர்மானிக்கும் நிலை உருவாகியுள்ளது. இருப்பினும், இந்த விவகாரம் தொடர்பான பொது வாக்கெடுப்பு எந்தத் தேதியில் நடைபெறும் என்பது குறித்த அதிகாரப்பூர்வ அறிவிப்பை நிர்வாகம் இன்னும் வெளியிடவில்லை.
வாக்கெடுப்பு தொடர்பான அதிகாரப்பூர்வ தேதிகள் மற்றும் வாக்களிக்கும் வழிமுறைகள் குறித்த விவரங்களை Stadt Zürich அதிகாரப்பூர்வ இணையதளத்தில் சரிபார்த்துக் கொள்ளலாம்.
