சுவிஸ் ஆயுதக் கொள்முதல் தலைவரின் இரகசிய இஸ்ரேல் பயணம்… பின்னணியில் என்ன நடக்கிறது?

சுவிஸ் ஆயுதக் கொள்முதல் தலைவரின் இரகசிய இஸ்ரேல் பயணம்… பின்னணியில் என்ன நடக்கிறது?

சுவிட்சர்லாந்தின் பாதுகாப்புத் துறையைச் சுற்றி புதிய சர்ச்சை ஒன்று வெடித்துள்ளது.

சுவிஸ் ஆயுதக் கொள்முதல் பிரிவின் தலைவர் உர்ஸ் லோஹர், இந்த மாதம் இஸ்ரேலுக்கு இரகசியமாகப் பயணம் மேற்கொண்டுள்ளதாக Le Temps பத்திரிகை செய்தி வெளியிட்டுள்ளது.

இந்தப் பயணத்தின் போது, இஸ்ரேலிய பாதுகாப்பு அமைச்சக அதிகாரிகள் மற்றும் பாதுகாப்புத் தொழில்துறை பிரதிநிதிகளுடன் அவர் பேச்சுவார்த்தை நடத்தியதாகத் தெரிவிக்கப்பட்டுள்ளது.

ஆனால், வழக்கமாக வெளிநாட்டு பயணங்களில் யாரைச் சந்தித்தார்கள் என்ற விவரங்களை வெளியிடும் பாதுகாப்புத் துறை, இந்த முறை அந்த தகவல்களை வெளியிட மறுத்துள்ளது.

இதற்குக் காரணமாக, சம்பந்தப்பட்டவர்களின் பாதுகாப்பும் தனியுரிமையும் பாதிக்கப்படக்கூடும் என்று Armasuisse விளக்கம் அளித்துள்ளது.

இந்த அசாதாரணமான மௌனம் காரணமாக, உர்ஸ் லோஹர் உண்மையில் யாரைச் சந்தித்தார்? எந்த நோக்கத்திற்காக இந்தப் பயணம் மேற்கொள்ளப்பட்டது? என்ற கேள்விகள் தற்போது சுவிஸ் அரசியல் மற்றும் பாதுகாப்பு வட்டாரங்களில் பரபரப்பை ஏற்படுத்தியுள்ளன.

இந்த விவகாரம் தொடர்பாக அடுத்தடுத்த தகவல்கள் வெளியாகுமா என்பதை அனைவரும் ஆவலுடன் எதிர்பார்த்து வருகின்றனர்.