ரைன்ஃபெல்டனில் அதிர்ச்சி அறிவிப்பு! புகழ்பெற்ற Schiff ஹோட்டல் விற்பனை

ரைன்ஃபெல்டனில் அதிர்ச்சி அறிவிப்பு! புகழ்பெற்ற Schiff ஹோட்டல் விற்பனை…

ஆர்காவ் மாநிலத்தின் ரைன்ஃபெல்டனில் அமைந்துள்ள வரலாற்றுச் சிறப்புமிக்க Hotel Schiff மற்றும் அதனுடன் தொடர்புடைய மேலும் மூன்று முக்கிய சொத்துகள் விற்பனைக்கு வரவுள்ளன.

இந்தச் சொத்துகளின் மொத்த கட்டிடக் காப்பீட்டு மதிப்பு 16.6 மில்லியன் சுவிஸ் ஃபிராங்குகள் என தெரிவிக்கப்பட்டுள்ளது.

தற்போது ரைன் நதிக்கரையில் அமைந்துள்ள இந்த ஹோட்டலில் விருந்தினர்கள் தங்கி, உணவருந்தி, விழாக்களை நடத்தி வருகிறார்கள். ஆனால் 2026 அக்டோபர் இறுதிக்குப் பிறகு தற்போதைய செயல்பாடுகள் நிறைவடையவுள்ளன.

இந்த முடிவால் சுமார் 20 ஊழியர்களின் வேலைவாய்ப்பு பாதிக்கப்படக்கூடும் என கூறப்படுகிறது.

ஹோட்டல் ஷிஃப்பில் செயல்படுத்தப்பட்ட “Hotel in Hospital” என்ற வணிகக் கருத்து எதிர்பார்த்த வெற்றியைப் பெறாததே இந்த விற்பனை முடிவிற்கான முக்கிய காரணம் என நிறுவன நிர்வாகம் தெரிவித்துள்ளது.

புதிய முதலீட்டாளர்களுக்கு, இந்தக் கட்டிடத்தை பூட்டிக் ஹோட்டல், சேவை வசதியுள்ள அடுக்குமாடி குடியிருப்புகள், அல்லது உணவகம் மற்றும் குடியிருப்பு இணைந்த கலப்பு திட்டமாக மாற்றும் வாய்ப்புகள் உள்ளன.

ஆனால், புதிய உரிமையாளர் நகர நிர்வாகத்தையும் சொத்து நிறுவனத்தையும் திருப்திப்படுத்தும் வகையில் ஒரு மேம்பாட்டுத் திட்டத்தை முன்வைக்க வேண்டும் என்றும் வலியுறுத்தப்பட்டுள்ளது.