லுசேர்ன் (Luzern) கன்டோனில் ஆற்றங்கரையில் கண்டெடுக்கப்பட்ட நகைகள்.!!
செல் பகுதியில் ஆற்றங்கரையில் கண்டெடுக்கப்பட்ட நகைகள், உரிமையாளர்களை தேடும் லுசேர்ன் காவல் துறை
லுசேர்ன் (Luzern) கன்டோனில் உள்ள செல் (Zell) நகராட்சி பகுதியில், லூதர் (Luther) எனப்படும் இடத்தில் புதன்கிழமை ஒரு குடியினர் பல நகை பொருட்களை கண்டெடுத்து அதனை காவல் துறைக்கு அறிவித்துள்ளார். இந்த தகவலை தொடர்ந்து சம்பவ இடத்திற்கு விரைந்து சென்ற லுசேர்ன் கன்டோனல் காவல் துறையினர், அந்த நகைகளை பாதுகாப்பாக கைப்பற்றியதுடன், ஆற்றங்கரை பகுதியில் மேலும் சில பொருட்களையும் சிறிய நகை பெட்டிகளையும் கண்டறிந்துள்ளனர்.
கண்டெடுக்கப்பட்ட இந்த நகைகள் எங்கிருந்து வந்தது, யாருடையது என்பதெல்லாம் தற்போது தெளிவாக தெரியவில்லை. இதுகுறித்து விசாரணைகள் தொடர்ந்து நடைபெற்று வருவதாக அதிகாரிகள் தெரிவித்துள்ளனர். இவை தவறுதலாக இழந்தவையா அல்லது வேறு எந்த சம்பவத்துடன் தொடர்புடையதா என்பது பற்றியும் காவல் துறையினர் ஆராய்ந்து வருகின்றனர்.
இந்த நகைகளின் உரிமையாளர்களை கண்டறிய பொதுமக்களின் உதவியை லுசேர்ன் கன்டோனல் காவல் துறை கோரியுள்ளது. தங்களுடைய நகைகளை அடையாளம் காண முடியும் என நினைக்கும் நபர்கள் அல்லது உரிமையாளர்கள் குறித்து தகவல் அறிந்தவர்கள் நேரடியாக 041 248 81 17 என்ற தொலைபேசி எண்ணில் தொடர்புகொள்ளுமாறு கேட்டுக் கொள்ளப்பட்டுள்ளது. இதற்காக கண்டெடுக்கப்பட்ட நகைகளின் புகைப்படங்களையும் காவல் துறை வெளியிட்டுள்ளது.
© Kapo Lu
